Uanzishwaji wa silabasi mpya ya Kiswahili katika shule za sekondari nchini Uganda umesababisha changamoto katika ufundishaji wa silabasi hiyo mpya. Lengo la silabasi hiyo ni kuimarisha uwezo wa wanafunzi katika lugha ya Kiswahili, lakini njia mpya za ufundishaji, maudhui, na mbinu za tathmini zimekuwa kikwazo kwa walimu na wanafunzi. Walimu wanakabiliwa na changamoto katika ufundishaji na tathmini ya wanafunzi kwenye silabasi mpya, huku wanafunzi wakipambana kuelewa maudhui na dhana mpya. Makala hii inalenga kuchunguza changamoto zinazokabili walimu katika ufundishaji wa silabasi mpya ya Kiswahili na kutoa suluhisho la kuzishinda. Inatarajiwa kuwa utafiti huu utatoa ufahamu katika ufundishaji na ujifunzaji wa Kiswahili kwa ufanisi katika shule za sekondari nchini Uganda, hivyo kuimarisha uwezo wa wanafunzi katika lugha na ujuzi wa mawasiliano.